Бедава ве авторизациясыз: джемаат ерлеринде ачыкъ wi-fi-нынъ техликеси насылдыр?

Мобиль интернетининъ трафиги биткенде я да багъ ярамай чалышкъанда, джемаат ерлеринде бедава Wi-Fi пек онъайтлыдыр. Бундан да гъайры, бедава тельсиз багъ ве бир фильджан къаве иле къавеханеде чалышмакъ истесенъ, пек онъайтлыдыр. Авторизациясыз багълана биледжек FREE деп адландырылгъан багълар гъает гузель корюне. Амма бойле «мувафакъиет»ке къуванмакънынъ ерине мутехассыслар веб-серфинг ичюн даа хавфсыз нокътаны къыдырмакъ тевсие этелер. 

«Иришим нокъталар саиплерининъ чокъусы малюматнынъ гизленюви ве багъда авторизациядан кечмек талабындан вазгече, бойлеликнен, Wi-Fi-багъы иле къулланув даа къолай ве онъайтлы ола. Амма бу къулланыджыларнынъ шахсий малюматларына буюк хавф косьтере. Джинаетчи ачыкъ багъгъа багъланып, къулланыджы насыл сайтларгъа киргенини коре, анда насыл малюматларны кирсеткенини, шу джумледен, логинлер/пароллер ве ичтимаий агъларда шахсий мессаджларны коре биле», - деп анълатты Виталий Толмачев, КТК Телекомнынъ корпоратив ве девлет сегментлери иле ишбирлик боюнджа директоры

https://www.crimea.kp.ru/daily/27491.5/4700921/